Oh Dear Alma Matter...
Saturday, September 17, 2005 ADVERTISEMENTS
Captain's Log Stardate -318711.06
Gaano katagal tatagal ang loyalty mo sa iyong Alma Matter kung ito'y binabatikos na at alam mo namang totoo lahat ng ito? Magbubulagbulagan ka lang ba at hahayaang dumaan na lang ito tulad ng isang bagyo?
Bago ako magtapos sa high school, gusto ko na talagang pumasok sa AMA Computer College kasi gustong gusto kong maging computer engineer at "in na in" ang AMACC noon lalo na mga commercials ni Jolina and yung "im a software designer... ako engineer... sa on the job training pa lang may edge nako... ek ek" (OH HA? memorize ko pa!) at syempre, andun ang bestfriend ko. Nakapasa naman ako sa UP at UST noon. Pero biglang may inambush sa UP kaya naging dalawa na lang ang choices ko. Ayaw ng lolo ko na pumasok ako sa AMACC noon kasi nga nakapasa nako sa UST. Sige sinunod ko sya.
Makalipas ang isang taon, lumipat ako ng AMACC para maging isang Computer student. Tuwang tuwa ako nun at sinabi ko sa sarili ko na matutupad na ang aking pangarap na makapagtrabaho sa mga IT companies. Makakagawa nako ng video games, makakapagsetup ako ng network, makakagawa ako ng sarili kong microchip, at iba pa.
Lumipas ang ilang araw, linggo, buwan. Unti unti kong natatanong sa sarili ko, "computer school nga ba ito? eh mas high-tech pa ang mga computers sa UST kesa dito ah?" Saang computer school ka ba namang makakakita na puro virus ang mga computers at mas mabagal pa sa isang 386 na computer. Tapos napansin ko na din ang mga teachers ko, "parang wala silang alam sa latest trends... parang mas may alam pa ako sa PC sa kanila... bat hindi nila alam to... bat ang tatamad nila?..."
Nang nagmajor na ako, dito na din pumasok ang mga major na problema ko. Tuwing maglalaboratory kami sa Electronics, iisa lamang ang lamesang may gamit, at paisa-isa ang mga students sa pagpeperform ng experiments. Minsan hindi pa kami makagawa ng experiment sa dahilang bumigay na ang ilang aparato. Kaya ang ginagawa, ipapasa na lang namin ang experiment ng walang laman at ayun, instant grade na.
Major na din ako ng nakita ko ang kawalang kakayahan ng halos lahat, take note: halos lahat, ng professor ko sa engineering ay matalino nga, hindi naman marunong magturo. Mayroon pa akong natatandaan na instructor ko sa Computer System Organization na inamin sa amin na kelan lang nya nalaman kung ano ang itsura ng isang Hard Disk!! Graduate pa man din sya ng AMA! Paano ka ba naman matututo nyan kung sariling prof mo ay kasabay mo lang din nagaaral? Hmm... Kaya nga sa mga naging kabatch ko, ni hindi alam mag format ng PC, hindi alam mga parts, at kung ano ano pa. Ang alam, magcompute ng mga theoretical formulas na wala namang kahihinatnan.
Habang nagaaral pako, may nakita akong website noon ng AMA Pampanga na halos puro hinanaing at problema ang laman. Nung unang nakita ko yun, pinakita ko agad yun sa aming org adviser at syempre, hindi ko gusto yung site na yun. Hindi maganda na basta na lang siraan ang paaralan. Pero habang tumatagal, parang naiisip ko na din na medyo tama ang ginagawa nila. Hindi naman sila naninira, mukhang totoo nga ang mga pinagsasasabi nila dahil ako na din mismo, nararamdaman ko na yun!
Ilang panahon din ang lumipas at may nakita na naman akong isang site against AMA. Isang blog na may mga nakapost na articles na ginawa ng mga former employees at mga students ng mga schools na kabilang sa AMA Education System. Kung ako ang tatanungin at base na din sa experience ko, halos totoo ang mga nakasulat dito. Masakit man tanggapin, pero totoo.
Dumaan pa ang panahon, naging presidente ako ng isa sa pinakamalaking organization ng AMACU. Pinasok namin nila Karlo ang Level Up! Games noong bandang magtatapos ang 1st trimester ng 2003 para sa isang fund raising concert. Ayos na lahat at bigla nalang kaming hinarang. Sinabi ng School Director namin na hindi na dapat ituloy ang event since magtatapos na ang trimester. Bawal daw kasi yun. Kung bawal sana hindi na nya pinirmahan yung proposal letter namin diba? Ang masaklap nun, nakapirma din kami ng contract sa Level Up! at nakareserve na ang mga sound system na gagamitin!
Nagbanta na si Ate Joy at Ate Jean ng Level Up! na magdemanda laban sa amin. Buti na lang at naipagtanggol kami nila Sir Chris at Mam Shao. Pagnagkataon, kulong kami nila Karlo at Red. Kahit anong paliwanag sa School Director na yun, wala talaga. Pusong bato! Dibaleng makulong kami. Sa panahong yun, doon na nagsimulang magtalo sa akin kung dapat ko nga bang mahalin ang systemang alam ko namang hindi ako mahal at alam kong puro katiwaliaan.
Lumipas ulit ang panahon, natanggap si Lalaine sa Admissions Office bilang Admissions Assistant. Last trimester ko na din yun at ggraduate na ako. Feb 1 sya officially nagstart at ilang buwan ang nakalipas ay ni singko, hindi sya pinapasahod ng AMA. Kesyo kulang ang requirements o kaya'y hindi umabot sa cut-off. Ang masama pa nito, halos lagi kaming 8PM o mas malala, 9PM kung umuwi! Samantalang 8am-5pm lang dapat ang pasok. Matatanggap ko pang 6PM kami aalis eh.. pero 730? 830? 930? Aba, kagaguhan na yan!
Tapos isang araw, nagpasya na kaming tumuloy ng National Labor Relations Commission para magfile ng complaint. Syempre absent sya ng isang araw, kinabukasan, kinausap sya ng School Director (same SD na muntik ng maging dahilan ng pagkakakulong namin..), nakaleave kasi yung immediate superior, at pinagsabihan sa kanya na napakaimportante ng pwesto nya sa admissions at kailangan nya ang 110% ng kakayahan nya ek ek... Oh well... [ Read More 1 ] :: [ Read More 2 ] :: [ Read More 3 ]
Papaano pa kaya yung commercials nila sa TV na IT is Instant Trabaho samantalang sarili nilang graduate, hindi nila mabigyan ng trabaho na maayos at hindi nila maalagaan. Maganda ang concept ng AMA as a school. Hindi lang sana sila nabulag sa pera. Naging fast food education ang nangyari eh. Puro franchise na below acceptable levels of quality ang nagsulputang school.
No offense kila Karlo at Andrew, pero sa current trend ngayon ng mga instructors ng AMACU, malamang at malamang, bababa lalo ang quality na graduates na maipproduce ng school na ito. Dito ka lang makakakita na dating isang estudyante na pumasang awa ay isang instructor na dahil nagpakita lang onting cleavage habang nagdedemo. Kung alam lang sana ni Mr. Aguiliz ang lahat ng nangyayari... Hay.
Dati proud ako to be an AMAer, ngayon nagdadalawang isip nako.
Related Blog Entries:
BANNED
AMACU HRD = 0wn3d
NLRC and the Pacifier
Bastos? Look who's talking...
IT = Instant Termination
Anger Management
Banned 2
Related Links:
AMA-SYSTEM BLOG
*Computer end log*
Love my blog? Then subscribe by entering your email address below. You will receive blog updates directly to your inbox.
|
THERE ARE 2 COMMENT(S) ON THIS POST:
hi just blog hopping :)Di ba ang AMA pinasok na rin ata ang Caregiver program?parang meron ata silang school na ang tema caregiver ?di ko sure pero parang may narinig ako noong nandyan kami sa pilipinas na ang AMA may caregiver school sila "daw" ?totoo ba yun?
sana quality education ang ilunsad nila para di nasasayang ang pera .
Palaki nang palaki ang aking pagsisisi sa pagiging mag-aaral ng AMA.
I could have gone to Ateneo or La Salle, but I chose AMA for convenience. Probably one of the biggest mistakes of my life.
Post a Comment
Comments on Captain's Log are moderated. Comments will not be visible until it has been approved.
Please choose the NAME/URL field when posting a comment if you do not have an account with OpenID, Google, Gmail, LiveJournal, or Wordpress.com. Anonymous comments will be rejected.
Click here for Related Content
Subscribe to Post [Atom]
Subscribe to Post Comments [Atom]
Comments? Suggestions? Violent reactions? Click here to contact me. Otherwise, post your comment here.