Globe Telecom to Pull-out?
Sunday, October 09, 2005 ADVERTISEMENTS
Captain's Log Stardate -318771.4
According to the editorial article posted on Abante-Tonite's website, Globe Telecom threatened to pull its business out of the Philippines because of the continued bombing of its cellsites supposedly by the National People's Army (NPA).
Alagaan natin ang mga investors
Lahat tayo ay nagdarasal na sana ay huwag totohanin ng Globe Telecom, isa sa mga nangungunang kumpanya sa telekomunikasyon, ang kanilang bantang pag-pullout o paglayas sa Pilipinas.
Nakakalungkot ito! Maraming kababayan natin ang pinapasweldo at maraming pamilya ang pinapakain ng kumpanyang ito. Malaking pera rin ang inaakyat nila sa pamahalaan sa anyo ng buwis at milyong subscribers ang kanilang naseserbisyuhan.
Isang matatag na kumpanya ito, tulad din ng kanilang mga competitors, at tunay na nakakapanghinayang kung basta na lang sila lalayas.
At alam n’yo ba ang dahilan ng kanilang pagdadalawang-isip na ipagpatuloy ang kanilang negosyo rito sa atin? Ang mga pasaway na rebelde at kaaway ng gobyerno. Suki kasing pasabugin ng mga rebeldeng komunista at mga lokal na terorista ang kanilang mga cell sites at transmitters. Madalas ay sa malalayong lalawigan ito kaya hindi natin masyadong maramdaman dito sa Metro Manila.
Pero ramdam na ramdam ng Globe Telecom ang kalugihan. Biruin mo ba namang halos linggu-linggo o kung minsan nga ay halos tuwing makalawa ay may pinapasabog na cell site at transmitter nila. Hindi birong pera ito. At pati serbisyo nila sa mga subscribers ay napeperwisyo.
Ang duda ng ilan, baka raw humihingi ng revolutionary tax ang mga tao o grupong nasa likod ng pag-atake. Eh mukhang hindi nadadaan sa takutan ang Globe Telecom kaya hayun at walang kasawa-sawang binobomba.
Kaawa-awa naman ang kumpanyang ito. Nagnenegosyo nang maayos, nagbibigay ng trabaho sa libu-libong Filipino at nagseserbisyo sa mamamayan pagkatapos ay iha-harass nang gayun-gayon na lang.
Ano ba ang ginagawang aksyon ng pamahalaan, ng military at ng pulisya sa problemang panseguridad ng Globe? Napakatagal nang problema ito at hindi naman itinatago ang insidente. Sa katunayan ay paulit-ulit itong nalalathala sa mga pahayagan at naibabalita sa radyo at telebisyon. Nababago lamang ang lugar, petsa at oras pero iyon at iyon ang laman ng balita. Binomba ang cell site o transmitter.
Aba’y kahit sinong investor ay mabubwisit! Matino kang nangangalakal at nagbabayad ka naman ng tamang buwis sa pamahalaan, pagkatapos ay hindi maibigay sa iyo ng gobyerno ang proteksyon laban sa mga terorista at rebelde na walang ginawa kundi makisawsaw sa pinagpaguran ng iba.
Pero naniniwala kaming hindi pa huli ang lahat. Puwede pa siguro itong hilutin kung sisiguruhin ng mga tagapagpatupad ng batas at ng sandatahang lakas na hindi na mauulit ang pananalbahe sa Globe Telecom.
Alagaan naman natin ang mga mamumuhunan sa ating bansa!
It seems that Globe's not the one pulling out but one of its investors, SingTel perhaps? If the Ayala Group will stop its wireless business, we will be left with Smart and Sun. Smart with its greedy attitude and Sun's useless network. Welcome to mobile de-evolution. Go Philippines! Tsk.
*Computer end log*
Love my blog? Then subscribe by entering your email address below. You will receive blog updates directly to your inbox.
|
THERE ARE 1 COMMENT(S) ON THIS POST:
With the huge profits they are making? Unlikely...
Post a Comment
Comments on Captain's Log are moderated. Comments will not be visible until it has been approved.
Please choose the NAME/URL field when posting a comment if you do not have an account with OpenID, Google, Gmail, LiveJournal, or Wordpress.com. Anonymous comments will be rejected.
Click here for Related Content
Subscribe to Post [Atom]
Subscribe to Post Comments [Atom]
Comments? Suggestions? Violent reactions? Click here to contact me. Otherwise, post your comment here.